THE FIVE BOYS
oleh;ibnu
Act.1-Murid Hanyar
****
Kisah ini,mancaritaakan tantang sakumpulan kakanakan Tsanawiyah dikabupaten Hulu Sungai Selatan.inya ni tagabung dalam sebuah grup bangaran The Five Boys.baranggotakan lima orang.yaitu fahri,zali,aran,arul wan hafis.kalimanya ni ada nang kalas 3,ada nang kalas 2,ada juwa kalas 1.disakulahan kalimanya sapa nang kada tahu.bilang asa kada bamalu malu tupang sabagian.ada nang pamandir banar.ada nang katuju banar bagaya.ada nang alim wan pintar.ada nang pandiam.jadiam,biar bilang kadada nang sahiripnya sifat.anehnya kalimanya ni kawa akrab banar.baik disakulah atawa diluar sakulah.
Saparti biasa bisukan ni kakanakan batutunggalan badatangan masuk sakulah.kayaitu juwa buhan si TFB mulai badatangan.pas buhannya handak maandak sapidanya masing masing diparkiran.tiba tiba datang sebuah sapida mutur.nang mambawa urangnya bajanggut.tapi pas sampai diparkiran,sakalinya babawaan urang.bilang nang bagana diparkiran tagana malihati.siapa alah,asa hanya ja malihat.tapi nang bujur bujur maulah takjub tu nang dibawa dibalang urang tadi.bibinian,langkar ha pulang.ya am sudah jadi parhatian am inya..
"siapa yu,asa hanyar malihati.?"jar hafis takuya.
"nah kada tahu jua am aku fis ai.ni gin kuhanyar malihat jua.."sambut fahri.
Pas binian tadi bajalan wan urang tadi,mungkin haja abahnya bajalan.kada sangaja inya tapaling kaampah buhan TFB.naham.girang banaram buhannya,apalagi si Arul,bagaya gaya malambai lambai katangan pina baagak suk akrab.takurihing am sibinian tadi.
dasar jua si Arul ni.
"wayuha rul ai.pina saakrab akrab..tahu haja kada lagi".jar zali
"nah,ikam ni.ini ngarannya urang usaha buhannya ai.mun handak lakas patuh,babisa bisa ai kita bausaha lo..hehe"jawab arul ungah.
"tangguhku,inya tu murid hanyar nah,napa mati babaju saragam jua.tapi pindahan dari manakah kalo."timpal fahri
"bujur jua ai.satimbangan bagana disini.kada suwa juwa kumalihat inya..mun tangguhku lah..malihati dari bungasnya..bisa urang nagara to"tambah aran sambil maandak sapida.
"hah nia,nagara ha tarus.mantang mantang bisi pacar urang nagara,bilang handak ha tarus disambati."sambut hafis inda tamamai.
"dahu,apa hubungannya inya wan nagara..baluntau haja"satuju fahri.
"nah ikam ni,balum tahu lagi kayapa urang nagara.bah!bilang bungas barataan biniannya..umaa.."
"wayuha ran ai..baranai ranai ha dah..dingsanak ja kada,inda manahu nahu wan urang.pa kaina tahuan ai lo.."tangah si zali.
Kada tarasa bel masukan babunyi.baduyunan am murid murid tu bamasukan kakalas masing masing.pas handak mulai palajaran,dikalas tiga satu ni inda lain banar,ni kalasnya siFahri wan siArul.napa ada nang lain banar.ada urang hanyar badiri parak guru kalas.sakalinya binian nang tadi.
"hari ni,kita batambah pulang saurang murid.ini ngarannya Asmah,inya ni,pindahan dari SMP banjarbaru.jadi ibu minta lawan yan dikalas ni bisa akrab wan Asmah."ujar ibu guru mamadahakan.
"iya bu.."jawab semua murid hampir sarantak.
Pas si Asmah ni handak bapaling,tiba tiaa dibangku panangahan ada nang basuara.tu si Arul.
"ngaran sabujurnya,siapa garang nih?"
Fahri nang sabangku wan si Arul inda takajut.liwar kada supan juwa kawannxa ni.
"ngaran sabujurnya ulun,siti Asmah ahsaniah."jawab asmah.
"tinggalnya pian dimana garang?"
"ulun bagana dIPakuan"
"barapa garang umurnya?"
Malihat siArul nang satakun takun tarus,guru kalaspun manyuruhi ampih batakunnya.lalu manyuru Asmah duduk dibangku nang kosang dipujuk kanan tangah.samantara siFahri nang sabangku wan Arul inda saingkuti dahi ja kasupanan wan laku kawannya tu.
"heh,mambari supan ja Arul ni."pandir Fahri dalam hati.
"owua..aah!"santak Arul kasukaan.
Satalah duduk,asmahpun cuba maakrapi kawan sabangkunya nang juwa sama sama pada binian.
"asmah"ujarnya sambil maulurakan tangan.
"ulun risna,mudahan kawa akrablah."jawab nang disampingnya nang bangaran risna tadi manyambuti tangan asmah.
"inggih,mudahan"
"pian bagana dipakuankah?"
"he-eh,hanyar saminggu.aslinya urang banjar baru pank.abah hanyar dipindah tugasakan"
"bagawi dimana abah pian?"
"dikantar KUA ditalaga langsat." "ih,iyakah.."
Dan pelajaran pun dimulai satalah bu guru manyuruh mambuka buku masing masing
Pas waktu istirahat.barataan kakanakan ni kawarung nang disabarang jalan.kada takacuali buhan si TFB ni.liwar banar raminya kakanak ni makanan wan bapandiran.nangapa apakh nang dikisahan..
"ma.baruntung banar ikam wan si arul fahri ai.sakalas wan murid hanyar tadi.salut aku.hehe"ujar aran mamulai pandiran.
"apanya nang baruntung..biasa haja.kayaitu ja takuya"jar fahri santai.
Ditangah pandiran marika.tiba tiba munculah nang dikisahakan wan si risna badua.marika duduk parak kaandakan piring dipabuncuan.
"nah am.nang dipandirakan dihadapan sudah..hehehe"sambat arul satangah babisik wadah buhannya.
Pukuknya samua nang baduduk diwarung tu tatuju malihati si anak hanyar tu.mun si asmahnya am bilang tatunduk haja.kasupanan dilihati.
"handak apa nih galuh?"ujar acil nang bajualan
"teh 2 cil ai.wan luntungnya juwa 2"jawab risna mamasanakan.
"umaleh.dasar bujur jua si aran.baruntung banar ikam fahri ai.bujur bungas heih ckckck"pandir zali manggayai si fahri.
"iya kalo.han"jar arul sambil manapuk tangan wan aran
(Isuk pulanglah)
